نئی دہلی (این این آئی)دنیا کے مالدار ترین کرکٹ بورڈ کی دولت میں مزید اضافہ ہوگیا۔ اسٹار انڈیا نے آئی پی ایل کے 2018سے 2022 تک 5سال کے نشریاتی حقوق 16347.5کروڑ روپے میں خریدلیے۔یہ رقم کرکٹ کی تاریخ میں نشریاتی حقوق کی سب سے بڑی ڈیل ہے جس سے بی سی سی آئی

اگلے 5سالوں کیلئے ہر آئی پی ایل میچ سے 54 کروڑ روپے حاصل کرے گا۔اسٹار کا 2.55 بلین ڈالر کا معاہدہ آئی پی ایل کے گزشتہ حقوق کے مقابلے میں 258 فیصد ہے۔واضح رہ کہ بی سی سی آئی نے7مختلف کیٹگریز میں نشریاتی حقوق فروخت کیلئے پیش کئے تھے۔