پشاور(آئی این پی )پاکستان تحریک انصاف کے مرکزی ڈپٹی سیکرٹری اطلاعات شوکت یوسفزئی نے کوئٹہ گلیڈیٹرز کواپنی فیورٹ ٹیم قرار دیا ہے اسلامیہ کالج و یونیورسٹی کی تقریب کے موقع پرمیڈیا سے گفتگو کرتے ہوئے انہوں نے دعا کی کہ اللہ کرے کہ پی ایس ایل کا فائنل خیر وعافیت سے ہو‘ میچ دیکھنے کے حوالے سے انہوں نے کہا کہ لاہور میں میچ کے دوران وہ پاکستان میں نہیں ہوں گے
اوراسمبلی کی جانب سے وہ سکاٹ لینڈ کے دورے پر ہوں گے تاہم انہوں نے کہا کہ کوئٹہ گلیڈیٹر زان کی پسندیدہ ٹیم ہے اللہ کرے فائنل کوئٹہ جیتے‘ شاہد آفریدی کی پرفارمنس کے بارے میں انہوں نے کہا کہ شاہد آفریدی اکثردل توڑ دیتے ہیں ان کا کبھی کبھی تکا لگتا ہے اللہ کرے وہ وکٹ پر ٹہریں‘ پشاور زلمی اورکراچی میچ کے حوالے سے انہوں نے کہا کہ پشاور زلمی فائنل کھیلے تو بہت مزا آئے گا،
