شارجہ(مانیٹرنگ ڈیسک) پاکستان سپرلیگ کے ناک آئوٹ مرحلے میں اسلام آباد یونائیٹڈ کوشکست ہوگئی اورکراچی کنگزنے میچ 44رنز سے جیت لیا۔تفصیلات کے مطابق کراچی کنگز نے اسلام آباد یونائیٹڈ کو جیت کیلئے 127 رنز کا ہدف دیا ہے، رومان رئیس نے شاندار بولنگ کا مظاہرہ کرتے ہوئے 4 شکار کئے۔شارجہ میں کھیلے گئے میچ میں اسلام آباد یونائیٹڈ کے کپتان مصباح الحق نے ٹاس جیت کر فیلڈنگ کا فیصلہ کیا، اسلام آباد کے بولرز نے کراچی کنگز کی پوری ٹیم کو 19.4 اوورز میں 126 رنز پر چلتا کردیا۔اسلام آباد یونائیٹڈ نے شروع سے ہی میچ پر گرفت مضبوط کرلی،
محمد سمیع اور محمد عرفان نے پہلے دو اوورز میڈن کئے، جس کے بعد بابر اعظم اور کرس گیل نے کچھ مزاحمت کی، اوپنرز بالترتیب 25 اور 17 رنز بنا کر پویلین لوٹے، کپتان سنگاکارا بھی 17 سے آگے نہ بڑھ سکے۔شعیب ملک 25، روی بوپارا 14، کیرن پولارڈ 5، عماد وسیم 14، سہیل خان صفر، اسامہ میر ایک اور عثمان خان صفر پر پویلین لوٹ گئے، محمد عامر 2 رنز بنا کر ناٹ آؤٹ رہے۔اسلام آباد یونائیٹڈ کی جانب سے رومان رئیس نے 25 رنز کے بدلے 4، محمد سمیع نے 19 اور شین واٹس نے 29 رنز دے کر 2، 2 وکٹیں حاصل کیں، شاداب خان نے بھی ایک وکٹ حاصل کی ۔
