ملتان(آئی این پی)پی ایس ایل کا بخار عروج پر پہنچ گیا،پاکستان میں انٹرنیشنل کرکٹ کی بحالی اور پی ایس ایل فائنل کے لاہور میں ہونے کی خوشی میں مسلم لیگ(ن) کے کارکنان ملتان میں سڑکوں پر نکل آئے ، جشن منایا اور کارکنوں نے ڈھول کی تھاپ پر بھنگڑے ڈالے ،مسلم لیگ(ن)یوتھ ونگ کے رہنما عبدالرحمن فری کی قیادت میں لیگی کارکنان خانیوال روڈ پر جشن منایا اور مٹھائیاں تقسیم کیں ۔لیگی کارکنوں نے وزیراعظم نوازشریف وآرمی چیف جنرل قمرباجوہ زندہ باد کے نعرے لگائے
اس موقع پرمیڈیا سے گفتگو کرتے ہوئے لیگی رہنماؤں کا کہنا تھا کہ پی ایس ایل کے فائنل کے لاہورمیں ہونے پرپوری قوم پرجوش ہے ،اس سے دہشت گردوں اور ان کے سرپرستوں کو سخت پیغام جائے گا،انہوں نے کہا کہ عمران خان پاکستان کے بال ٹھاکرے ہیں ،ان کے بیان سے پوری قوم کو دکھ پہنچا ،ایک سیاسی لیڈرکوایسی حرکتیں زیب نہیں دیتیں ،اس موقع پر چوہدری آصف انصاری ، کاشف خان ،وقاص بلوچ،رانا منان،طاہرامین اورزبیرخان ،عرفان اعوان اور دیگربھی موجود تھے۔
