اسلام آباد(مانیٹرنگ ڈیسک)معروف برطانوی بلے باز اورکوئٹہ گلیڈی ایٹرزکے کھلاڑی کیون پیٹرسن نے پی ایس ایل فائنل کھیلنے کیلئے لاہور آنے سے انکار کی وجہ عمران خان کا بیان قرار دے دیا۔تفصیلات کے مطابق پاکستان سپر لیگ کی ٹیم کوئٹہ گلیڈی ایٹرز کے معروف برطانوی بلے باز کیون پیٹرسن نے پی ایس ایل فائنل کھیلنے کیلئے لاہور آنے سے
انکار کی وجہ عمران کا بیان قرار دے دیا ہے جس میںپاکستان تحریک انصـاف کے چیئرمین عمران خان نے فائنل میچ لاہور میں کرانے کے فیصلے کو پاگل پن قرار دیتے ہوئے کہا تھا کہ ’’بند سڑکوں اور پاک فوج، رینجرز اور پولیس کے حصار کے ساتھ میچ کرانے سے دنیا کو کیا پیغام جائے گا؟کیون پیٹرسن نے موقف اپناتے ہوئے کہا کہ ”جب عمران خان یہ کہہ رہے ہیں کہ فائنل میچ لاہور میں کرانا پاگل پن ہے تو میں کیسے لاہور جا سکتا ہوں؟۔“ واضح رہےکہ پاکستان تحریک انصاف کے چیئرمین عمران خان کا پی ایس ایل فائنل میچ کے لاہور میں انعقاد بارے بیان اس وقت سامنے آیا ہے جب فرنچائز کے مالکان غیر ملکی کھلاڑیوں کو فائنل میچ کیلئے لاہور جانے کیلئے راضی کرنے میں مصروف ہیں جس کی وجہ سے غیر ملکی کھلاڑیوں کو فائنل کیلئے لاہور لانے کی کوششوں کو شدید دھچکا لگا ہےاور فرنچائز مالکان سر پکڑ کر بیٹھ گئے ہیں۔
