دبئی(این این آئی) ڈومیسٹک کرکٹ میں عمدہ کارکردگی کے باوجود قومی سلیکٹرز کی جانب سے نظر انداز کیے جانے والے وکٹ کیپر بلے باز کامران اکمل نے سلیکشن کمیٹی سے مطالبہ کیا ہے کہ وہ انہیں ٹیم سے باہر کرنے کی وجہ بتائیں۔پاکستان سپر لیگ میں لاہور قلندرز کے خلاف عمدہ کھیل پیش کر کے پشاور زلمی کو فتح سے ہمکنار کرانے والے تجربہ کار وکٹ کیپر بلے باز نے

سلیکشن کمیٹی سے سوال کیا ہے کہ قومی ٹیم میں جگہ بنانے کیلئے انہیں مزید کیا کرنا ہگا۔کامران اکمل نے قائد اعظم ٹرافی کے گزشتہ سیزن میں عمدہ کھیل پیش کیا اور ون ڈے ایونٹ میں بھی ان کی کارکردگی نمایاں رہی تاہم اس کے باوجود دورہ آسٹریلیا کیلئے ایک روزہ میچوں کی سیریز کیلئے انہیں ٹیم کا حصہ نہیں بنایا گیا جس پر انہوں نے افسوس کا اظہار کیا تھا۔انہوں نے کہا کہ میں ڈومیسٹک سیزن اور پی ایس ایل میں عمدہ کھیل پیش کر رہا ہوں ٗمیں نے کارکردگی سے فٹنس بھی ثابت کردی ہے تاہم اس کے باوجود مجھے قومی ٹیم سے باہر رکھا جا رہا ہے۔35 سالہ تجربہ کھلاڑی نے کہا کہ اب میں وہ وجوہات جاننا چاہتا ہوں جن کی وجہ سے مجھے مسلسل نظرانداز کیا جا رہا ہے ٗ میں جاننا ہے کہ ڈومیسٹک کرکٹ میں عمدہ کھیل پیش کرنے والا مجھ جیسا کھلاڑی قومی ٹیم میں کس طرح جگہ بنا سکے گا۔وکٹ کیپر بلے باز کے مطابق اب بھی ان کی چند سال کی کرکٹ باقی ہے اور وہ قومی ٹیم کیلئے خدمات انجام دے سکتے ہیں۔کامران اکمل نے کہا کہ انہوں نے ابھی بھی امید نہیں چھوڑی لیکن اگر انہیں اچھی کارکردگی کے باوجود دورہ ویسٹ انڈیز کیلئے منتخب نہیں کیا گیا تو وہ سخت فیصلے کرنے پر مجبور ہو جاؤں گا۔