دبئی(مانیٹرنگ ڈیسک) پاکستان سپرلیگ میں کوئٹہ گلیڈی ایٹرز اور کراچی کنگزکے درمیان ہونے والامیچ کوئٹہ گلیڈی ایٹرز نے6وکٹ سے جیت لیا۔تفصیلات کے مطابق کراچی کنگز نے چھ وکٹ کے نقصان پر154 رنز سکورکئے ۔کراچی کنگزکی طرف سے بابراعظم نے 36 ،کیرون پولارڈنے 16 گیندوں پر 31 رنزبنائے جبکہ سپنرمحموداللہ نے تین اورانورعلی دووکٹیں حاصل کیں ۔کراچی کنگزکی طرف سے دیاگیاہدف کوئٹہ گلیڈی ایٹرز نے 4 وکٹ پرحاصل کرلیا۔

کوئٹہ گلیڈی ایٹرز کی طرف سے اوپنراحمدشہزاد اوراسد شفیق نے پہلی شراکت میں  105 رنزبنائے ۔احمدشہزاد نے 54 اوراسدشفیق نے 51 رنزبنائے جبکہ دونوں اوپنرزکوکراچی کنگزکے بائولرسہیل خان نے آئوٹ کیا۔ کوئٹہ گلیڈی ایٹرز پاکستان سپرلیگ کے دوسرے ایڈیشن میں  9 پوائنٹس کے ساتھ سرفہرست ہے جبکہ کراچی کنگزنے کوئٹہ گلیڈی ایٹرز سے شکست کے بعد مسلسل چوتھی ناکامی اپنے نام کی جس کے بعداس کافائنل میں پہنچناانتہائی مشکل ہوگیاہے ۔