لاہور(نیوزڈیسک)تمہیں تو10سال قید ہوجاتی،شکریہ اداکرو کہ تمہیں اس نے بچالیا،شعیب اختر شرجیل اورخالدلطیف پر برس پڑے، تفصیلات کے مطابق معروف فاسٹ باؤلر شعیب اختر نے کہا ہے کہ سپاٹ فکسنگ کیس نے قومی کرکٹرز خالد لطیف اور شرجیل خان کو آسمان سے زمین پر دے مارا ہے انہوں نے کہا کہ شرجیل خان اور خالد لطیف کو کرکٹ بورڈ نہ بچاتا تو دونوں کو متحدہ عرب امارات میں دس سال کی قید ہو سکتی تھی

، اب دونوں کرکٹرز عدالت گئے تو نیا پنڈورا باکس کھل جائے گا۔شعیب اختر نے کہا کہ فکسنگ ہر جگہ ہر کھیل میں ہوتی ہے لیکن اس کا مطلب یہ نہیں کہ پاکستان سپر لیگ بری ہے۔ انہوں نے مزید کہا کہ لیگ کا فائنل لاہور میں ہونا بڑا قدم ہو گا۔شعیب اختر نے کرکٹ بورڈ سے مطالبہ کیا کہ شاہد آفریدی کیلئے تقریب کا اہتمام کیاجائے تاکہ وہ باوقار اندازمیں انٹرنیشنل کرکٹ سے کنارہ کشی اختیارکریں۔