شارجہ(مانیٹرنگ ڈیسک)پی ایس ایل کے دوسرے ایڈیشن میں لاہور قلندرز کے کپتان برینڈن مکلم نے ٹاس جیت کر پہلے اسلام آبادیونائیٹڈکوبیٹنگ کرنے کی دعوت دی ۔ایک نجی ٹی وی کے مطابق اسلام آباد یونائیٹڈ کی طرف سے ڈوائن سمتھ اور رفعت اللہ مہمند نے اننگز کا آغاز کیا لیکن جلدہی رفعت اللہ 16 رنز بنا کر کیچ آؤٹ ہو گئے۔ اسلام آباد یونائیٹڈ کا سکور ابھی 41 رنز تک ہی پہنچا تھا کہ سمتھ بھی ایل بی ڈبلیو ہو گئےانہوں  نے 20 رنز بنائے۔ اسلام آبادیونائیٹڈ کوپانچواں نقصان 79 رنز پر اٹھانا پڑا جب بین ڈکٹ ریورس سوئپ شارٹ کھیلنے

کی کوشش میں بولڈ ہو گئے۔ اس کےبعد شین واٹسن بھی آؤٹ ہو گئے۔ واٹسن نے صرف7 رنز بنائے۔ عماد بٹ نے 17 رنز بنائے اور سہیل تنویر کی گیند پر کپتان برینڈن مکلم نے ان کا کیچ لیا۔ شاداب خان نے شاندار بلے بازی کا مظاہرہ کرتے ہوئے صرف 24 گیندوں پر 3 چھکوں اور 2 چوکوں کی مدد سے 42 رنز کی اننگز کھیلی جس پراسلام آبادیونائیٹڈنے لاہورقلندرزکو146رنزکاٹارگٹ دیا جبکہلاہور قلندرز کی جانب سے عامر یامین 3 ، یاسر شاہ نے 2 ، سہیل تنویر اور سنیل نارائن نے ایک ایک وکٹ حاصل کیں جب کے جواب میں لاہورقلندرنے یہ میچ 9وکٹ کے نقصان پرآخری اوورمیں جیت لیا۔