دبئی (این این آئی)آل راؤنڈر شعیب ملک گزشتہ روز پشاور زلمی کے خلاف میچ میں عمدہ نصف سنچری بنانے کے ساتھ ہی ٹی 20 کرکٹ میں سب سے زیادہ سکور بنانے والے 5 ویں کھلاڑی بن گئے تفصیلات کے مطابق گزشتہ روز پشاور زلمی اور کراچی کنگز کے درمیان کھیلے گئے میچ میں شعیب ملک نے عمدہ بیٹنگ کرتے ہوئے 27 گیندوں پر 3 چھکوں اور 4 چوکوں کی مدد سے 51 رنز بنائے ٗنصف سنچری کے ساتھ ہی وہ ٹی 20

کرکٹ میں سب سے زیادہ رنز بنانے والے پانچویں کھلاڑی بھی بن گئے ہیں ٗ فہرست میں پہلا نمبر ویسٹ انڈیز کے کھلاڑی کرس گیل کا ہے جو ٹی 20 کرکٹ میں مجموعی طور پر 9807 رنز بنا چکے ہیں ٗ بریڈ ہوج 7338 رنز کے ساتھ دوسرے نمبر پر، لاہور قلندرز کے کپتان برینڈن میکالم 7323 رنز کے ساتھ تیسرے اور آسٹریلیا کے ڈیوڈ وارنر 6921 رنز کے ساتھ چوتھے نمبر پر ہیں۔

موضوعات:پشاور زلمی شعیب ملک