لاہور(مانیٹرنگ ڈیسک) پاکستان سپر لیگ کا فائنل لاہور میں ہوگایاکسی اورجگہ کھیلاجائے گا۔پی ایس ایل کے چیرمین نجم سیٹھی نے کہاہے کہ پاکستان سپر لیگ کے فائنل کیلئے نئی ڈرافٹنگ 22 فروری کو ہو گی۔ اس موقع پر غیر ملکی کھلاڑیوں اور پانچوں فرنچائزز کے سامنے فارمولا رکھا جائے گا کہ لاہور فائنل کیلئے کون کون تیار ہے اور کون نہیںہے۔انہوں نےکہا کہ جو کھلاڑی لاہور جانے کے لیے تیار نہیں ان کی جگہ نئے غیر

ملکی کھلاڑیوں کو شامل کیا جائے گا جن سے وہ رابطے میں ہیں۔ انہوں نے کہا کہ وہ چاہتے ہیں کہ پاکستان سپر لیگ کا فائنل لاہور ہی میں ہو اور اس میں غیر ملکی کھلاڑی حصہ لیںلیکن پاکستان میں موجودہ دہشتگردی کی لہرنے اب اس کے بارے میں تویش پیداکردی ہے جبکہ پاک فوج کے سربراہ نے پی ایس ایل کے فائنل کےلئے لاہورمیں مکمل سکیورٹی فراہم کرنے کی یقین دھانی بھی کرارکھی ہے۔