اسلام آباد(مانیٹرنگ ڈیسک)پاکستان سپر لیگ سیزن ٹو خطرات سے گھر گئی، ہفتہ کو ہونے والے میچز کا انعقاد خطرے میں پڑ گیا۔ تفصیلات کے مطابق دبئی میں ہونے والےپی ایس ایل سیزن ٹوکو فکسنگ سکینڈل کے بعد ایک اور مصیبت نے گھیر لیا ہے۔ ہفتے کو ہونے والے اسلام آباد یونائیٹڈ بمقابلہ لاہور قلندر اور کوئٹہ گلیڈی ایٹرز بمقابلہ کراچی کنگز کے میچز موسم کی وجہ سے متاثر ہو سکتے ہیں۔

محکمہ موسمیات نے اس حوالے سے پیشگوئی کرتے ہوئے کہا ہے کہ آج اٹھنے والے طوفان جو کہ دبئی شہر کی طرف بڑھ رہا ہے کی وجہ سے بارش ہونے کا قوی امکان ہے۔ قبل ازیں پاکستان سپر لیگ سیزن ٹو اس وقت بحران کی زد میں آگیا تھا جب اسلام آباد یونائیٹڈ کے اوپنرز بلے باز مشکوک افراد سے تعلقات کے شبے میں معطل کر کے وطن واپس بھیج دئیے گئے تھے۔
،

موضوعات:پاکستان سپر لیگ طوفان