لاہور (نیوزڈیسک ) صحافتی تنظیموں نے قومی ٹی ٹونٹی ٹیم کے کپتان شاہد خان آفریدی کے صحافی سے غیر مناسب رویے کےخلاف قذافی اسٹیڈیم کے باہر احتجاج کیا ، صحافی کمرشل ہیرو ،پرفارمنس زیرو کے نعرے لگاتے رہے ،صحافیوں نے ٹیم منیجرانتخاب عالم کی جانب سے معافی مانگنے کے اقدام کو ماننے سے انکار کر دیا ۔تفصیلات کے مطابق مختلف صحافتی تنظیموں نے گزشتہ روز قذافی اسٹیڈیم کے باہر جمع ہو کر شاہد خان آفریدی کی طرف سے صحافی کے سوال پر اپنائے جانے والے رویے پر احتجاج کیا گیا ۔ عہدیداروں کا کہنا تھاکہ کارکردگی کا جائزہ لےنا اور اس سے متعلق سوالات کرنا مےڈےا کا حق ہے ۔شاہد آفرےدی مےڈےا پر آئےں اور اپنے غےر ضروری اور نا مناسب رویے کی وضاحت کرتے ہوئے معذرت کرےں ۔ اس موقع پر ٹیم منیجر انتخاب عالم صحافیوں سے مذاکرات کیلئے پہنچے اور کہا کہ میںپی سی بی کی جانب سے معذرت کرتا ہوں اس معاملے کو ختم کر دیا جائے ۔تاہم صحافی اپنے موقف پرقائم ہے کہ ٹی ٹونٹی کے کپتان خود میڈیا کے سامنے آ کر اپنے رویے کی معذرت کرےں ۔ دوسری جانب عوام نے صحافی تنظیموں کی جانب سے شاہد آفریدی کے خلاف احتجاجی مظاہروں پر شدید ردعمل کا اظہار کیا ہے عوام کی اکثریت کا کہنا ہے کہ معمولی بات کو جواز بناکر قومی ہیرو کی تذلیل کسی صورت قبول نہیں شاہد آفریدی نے اتنی بڑی بات نہیں کہی تھی جتنا کہ اب صحافی حضرات ان کے خلاف مظاہرے کرکے اوربیان بازیاں کرکے کررہے ہیں۔