کولمبو(نیوزڈیسک) کولمبو ٹیسٹ کے چوتھے روز پاکستان کی پوری ٹیم دوسری اننگز میں 329 رنز پر ڈھیر ہوگئی جب کہ سری لنکا کو جیت کے لئے 153 رنز کا ہدف دیا ہے۔
سری لنکا کے شہرکولمبو میں کھیلے جا رہے میچ میں کھیل کے چوتھے روز پاکستان نے اپنی نامکمل اننگز 171 رنز 2 وکٹوں کے نقصان سے دوبارہ شروع کیا تو یونس خان 23 اور اظہرعلی 64 رنزکے ساتھ کریز پر موجود تھے۔ دونوں بلے بازوں نے ٹیم کا اسکور 202 رنز تک پہنچایا تو یونس خان ہمت ہار گئے اور 40 رنز بنا کرانجیلو میتھیوز کا شکار بن گئے جس کے بعد کپتان مصباح الحق بھی زیادہ دیر تک کریز پر نہ کھڑے ہوسکے اور 22 رنز بنانے کے بعد 234 کے مجموعے پر پویلین لوٹ گئے۔ اسد شفیق 27 اور وکٹ کیپر بلے باز سرفراز احمد 16 رنز بنا کر آٹ ہوئے۔
یاسر شاہ بھی بغیر کوئی رن بنائے آٹ ہو گئے جب کہ اظہر علی 117 رنز بنا کراسٹمپ آٹ ہو گئے۔ جنید خان بھی 3 رنز سے آگے نہ بڑھ سکے۔ پاکستان کی پوری ٹیم دوسری اننگز میں 329 رنز بنا کر آٹ ہو گئی۔ انجرڈ وہاب ریاض 6 رنز بنا کر آٹ ہوئے۔ سری لنکا کی جانب سے دھمیکا پراساد نے 4، دشمنتھا چمیرا نے 3، انجیلیو میتھیوز نے 2 جب کہ رنگنا ہیراتھ نے ایک وکٹ حاصل کی۔
اس سے قبل میزبان سری لنکا نے اپنی پہلی اننگز میں 315 رنز بنائے تھے۔