اسلام آباد (نیوز ڈیسک)پاکستان کے طویل القامت فاسٹ باو¿لر محمد عرفان نے 2015 ورلڈ کپ میں آسٹرییا کے خلاف کوارٹر فائنل نہ کھیلنے کو اپنے کیریئر کا سب سے بڑا پچھتاوا قرار دیدیا ہے۔ ایک انٹرویو میں انہوںنے کہاکہ میں اب بالکل ٹھیک اور فٹ ہوں کیونکہ بحالی کا عمل بہت اچھا تھا لیکن مجھے ابھی بھی بہت پچھتاوا ہے۔انہوںنے کہاکہ میں آسٹریلیا کے خلاف ورلڈ کپ کوارٹر فائنل نہیں کھیل سکا حالانکہ یہ ایک بہت بڑا میچ تھا۔ میں ٹورنامنٹ میں بہت پرجوش تھا اور مکمل رفتار کے ساتھ باو¿لنگ کررہا تھا تاہم میرے خیال میں کوئی بھی ایسی چیزوں سے نہیں لڑ سکتا۔اس وقت سے 33 سالہ عرفان انجری سے نجات پانے اور فٹنس کے حصول کےلئے مکمل جدوجہد کر رہے تھے تاکہ عالمی کرکت میں جلد از جلد واپس آ سکیں۔انہوں نے سری لنکا کے خلاف محدود اوورز کی سیریز میں واپسی کی امید ظاہر کی اور کہا کہ میں سلیکٹرز اور کرکٹ بورڈ کی اجازت سے فیصل آباد میں کھیل رہا ہوں۔انہوںنے کہا کہ وہ دیکھنا چاہتے ہیں کہ میں انجری سے نجات پانے کے بعد کس طرح کھیل پاتا ہوں اور مجھے امید ہے کہ آئندہ ماہ سری لنکا کے خلاف ایک روزہ اور ٹی20 میچوں کےلئے میرے انتخاب پر ضرور غور کیا جائےگا۔