برازیل(نیوز ڈیسک) عظیم برازیلین فٹبال سٹرائیکر نیمار نے اطالوی کلب یوونٹس کے خلاف گول کرتے ہوئے اپنے ہسپانوی کلب بارسلونا کی چیمپئنز لیگ میں جیت یقینی بنا دی تھی لیکن گزشتہ روز کوپا امریکا میں بلا ضرورت الھجنے پر برازیلین فارورڈ ممکنہ طور پرباقی ٹورنامنٹ سے باہر ہو گئے۔کولمبیا کے خلاف گروپ ’سی‘ کے میچ میں نیمار کو اس وقت لال کارڈ دکھایا گیا جب حریف ٹیم سے الجھ پڑے۔لال کارڈ ملنے کے بعدوہ اتوار کو وینزویلا اور ممکنہ طور پر اگلے ایک اور میچ سے باہر ہو گئے۔23 سالہ نیمار کو ہینڈ بال پر پہلے پیلاکارڈ دکھایا گیا تھا جس پر انہوں نے میچ حکام کی جانب سے ہدف بنائے جانے کی شکایت کرتے ہوئے چلی کے ریفری پر تنقید کی۔نیمار نے صحافیوں کو بتایا کہ ’انہوں نے قوانین کو میرے خلاف استعمال کیا۔ بال میرے ہاتھ پر غیر ارادی طور پر لگی، جس پر مجھے پیلا کارڈ دکھایا گیا‘۔’ایک کمزور ریفری کی موجودگی میں یہی کچھ ہوتا ہے۔ ایک غلط فہمی کی بنیاد پرسب کو باہر نکالنے کی ضرورت نہیں تھی‘۔بارہ مسلسل کامیابیوں کے بعد پہلی مرتبہ برازیل کو اس میچ کی صورت میں شکست کا منہ دیکھنا پڑا۔نیمار نے تسلیم کیا کہ انہوں نے کولمبیا کے خلاف برا کھیلا۔ تاہم، وہ پر اعتماد ہیں کہ ان کی ٹیم وینزویلا کے خلاف مطلوبہ نتائج حاصل کرتے ہوئے ٹاپ آٹھ ٹیموں میں جگہ بنا سکے گی۔’میں تسلیم کرتاہوں کہ ہم نے اچھا نہیں کھیلا اور میں اس کی مکمل ذمہ داری قبول کرتا ہوں۔