سڈنی(نیوز ڈیسک) کرکٹ کی نئی گلابی گیند کے بنانے والی کمپنی نے اسے ‘ٹیسٹ میچوں کے لیے تیار’ قرار دے دیا ہے۔کرکٹ آسٹریلیا نیوزی لینڈ کے خلاف رواں سال کے اختتام میں پہلا دن اور رات کا ٹیسٹ میچ کروانے کی امید کررہا ہے جہاں بریسبن، ایڈیلیڈ یا ہوبارٹ اس میچ کے لیے ممکنہ مقام ہوسکتے ہیں۔ کوکابورا کے مینیجنگ ڈائریکٹر بریٹ ایلیٹ کے مطابق اس گیند کے تجربات سے وہ مطمئن ہیں جبکہ انگلینڈ اور آسٹریلوی بورڈ اور ایم سی سی نے گلابی گیند کا ٹیسٹ کرلیا ہے۔انہوں نے کہا کہ اس گیند کا گزشتہ پانچ سالوں کے دوران متعدد بار ٹیسٹ لیا جاچکا ہے اور اب یہ گیند ٹیسٹ میچوں کے لیے تیار ہے۔انہوں نے کہا کہ ہم نے کرکٹ ساو¿تھ افریقہ اور ویسٹ انڈیز کرکٹ بورڈ کو بھی یہ گیندیں فراہم کی ہیں اور ہم ڈومیسٹک کی سطح پر اس کی کارکردگی سے خوش ہیں۔انہوں نے کہا کہ جب گیند کو لال سے سفید کیا گیا تو کچھ تبدیلیاں دیکھی گئیں اسی طرح گلابی گیند میں بھی دیگر گیندوں کے مقابلے میں تبدیلیاں ہوسکتی ہیں تاہم تینوں گیندوں کی سختی بالکل ایک جیسی ہے۔ایلیٹ کے مطابق تینوں گیندوں میں بہترین آسٹریلوی چمڑے کا استعمال ہوتا ہے تاہم گلابی اور لال گیندوں کو ڈائی کی جاتا ہے تاہم سفید گیند کے ساتھ ایسا نہیں کیا جاتا۔انہوں نے کہا کہ تمام تر کوششیں کی جارہی ہیں کہ گلابی گیند کو لال گیند جیسا ہی بنایا جائے اور یہ لال گیند کی طرح برتاو¿ کرے تاکہ انہیں ٹیسٹ میچوں میں استعمال کیا جاسکے۔انہوں نے کہا کہ کچھ بلے بازوں نے گیند کو سہی طرح نہ دیکھ پانے کی شکایت کی تھی اور کچھ شائقین بھی بال کو درست انداز میں رات میں نہیں دیکھ پارہے تھے۔ اس بات کو مدنظر رکھتے ہوئے ہم نے گلابی اور سفید گیندوں میں مزید رنگ کا اضافہ کیا ہے جس سے اس کی چمک مزید بڑھ جائے گی۔کرکٹ آسٹریلیا امید کررہا ہے کہ دن اور رات کے ٹیسٹ میچز لوگوں کو کام کے بعد ٹیسٹ میچ دیکھنے کے لیے آمادہ کریں گے۔حالیہ عرصے میں ٹیسٹ میچ کے دوران کم شائقین موضوع بحث رہا ہے۔