کولمبو(نیوز ڈیسک)سری لنکن کوچ مرون اتاپتو نے کہا ہے کہ پاکستانی اسپنر سعید اجمل کی عدم موجودگی کی وجہ سے میزبان ٹیم کو پاکستان کے خلاف سیریز میں نفسیاتی برتری حاصل ہو گی۔ سری لنکن ٹیم کے کوچ نے پاکستان کے خلاف شروع ہونے والے تین ٹیسٹ میچوں کی سیریز سے قبل کہا کہ مجھے پاکستانی ٹیم میں جو اصل تبدیلی نظر آتی ہے وہ سعید اجمل کی غیر موجودگی ہے۔ ماضی کے مایہ ناز سری لنکن بلے باز نے کہا کہ اجمل ان کے سب سے اہم ہتھیار رہے ہیں اور جو کچھ ہوا وہ انتہائی بدقسمتی ہے۔ ٹیموں کو اس طرح کی صورتحال کا سامنا کرنا پڑتا ہے، یہ نفسیاتی چیز ہے کہ جب آپ کو پتہ ہو کہ اجمل اپنی فارم میں ناصرف سری لنکن بلکہ متعدد بلے بازوں کو سوچے پر مجبور کر دیتے تھے۔انہوں نے آف اسپنر کی عدم موجودگی کو سری لنکا کےلئے خوش بختی کی علامت قرار دیتے ہوئے امید ظاہر کی کہ ان کے بلے باز دنیا کے تمام باو¿لنگ اٹیک کے خلاف بہترین کارکردگی کا مظاہرہ کریں گے۔اتاپتو نے کہا کہ اجمل نے بہت سے بلے بازوں کی نیندیں حرام کیں ان کے نہ ہونے سے ہمیں نفسیاتی برتری حاصل ہے تاہم ابھی بھی آپ کو اچھی گیندوں کا احترام کرتے ہوئے بری گیندوں کو باو¿نڈری کی راہ دکھانا ہو گی، مجھے اپنے کھلاڑیوں سے اسی قسم کی سوچ کی امید ہے۔انہوںنے کہا کہ سیریز میں مثبت سوچ کے ساتھ میدان میں اترنے کے باوجود میری ٹیم اجمل کے بغیر بھی پاکستانی ٹیم کو ہرگز آسان نہیں سمجھے گی۔انہوںنے کہاکہ میرا مانا ہے کہ ان کے پاس اچھے باو¿لرز ہیں جو میچ جیت سکتے ہیں لیکن اس کے ساتھ ساتھ یہ بھی حقیقت ہے کہ وہ ابھی تک ایسا نہیں کر سکے‘۔