لندن(نیوز ڈیسک)آسٹریلوی کرکٹر موئسس ہنریکس اور انگلینڈ کے روری برنز دوران میچ ٹکر کے بعد بدستور ہسپتال میں موجود ہیں۔ آسٹریلوی کرکٹر کا جبڑا تین جگہ سے ٹوٹ گیا۔ سرے کانٹی کے موئسس اور روری سسیکس کے خلاف میچ میں ایک کیچ لینے کی کوشش میں ٹکرا کر شدید زخمی ہو گئے، دونوں کے چہرے پر گہری چوٹ آئی۔ ٹکر سے موئسس بے ہوش ہو گئے جب کہ روری برنز بھی ایک بار بیٹھنے کے بعد دوبارہ گر گئے۔ڈاکٹروں کے مطابق دونوں کی سرجری ہوئی ہے اور ان کی حالت اب کافی بہتر ہے۔
دونوں کو گرانڈ پر ہی طبی امداد دینے کے بعد ایمبولینس کی مدد سے کو ہسپتال منتقل کیا گیا تھا۔ سرے کلب کے ترجمان کے مطابق دونوں کھلاڑیوں کی سرجری ہوئی ہے اور وہ ہسپتال میں ہی موجود ہیں، موئسس ہنریکس کا جبڑا تین جگہ سے ٹوٹ گیا جبکہ دانت بھی ٹوٹ گئے، کرکٹ آسٹریلیا نے کہا ہے کہ وہ موئسس سے رابطے میں ہیں اور جلد انہیں آسٹریلیا واپس بلا لیا جائے گا۔