دبئی (نیوزڈیسک )انٹرنیشنل کرکٹ کونسل نے ٹیسٹ پلیئرز رینکنگ جاری کر دی، آسٹریلوی کپتان سٹیون سمتھ شاندار کارکردگی کے بعد چوتھی سے پہلی پوزیشن پر پہنچ گئے، پاکستان کے یونس خان اور مصباح الحق بھی ٹاپ ٹین بیٹسمینوں میں شامل ہیں جبکہ پہلے دس بولرز کی فہرست میں کوئی پاکستانی شامل نہیں۔ آسٹریلوی کپتان سٹیون سمتھ نے گزشتہ ایک سال میں بہترین کارکردگی دکھائی تاہم وہ ویسٹ انڈیز کے خلاف دوسرے ٹیسٹ میچ میں شاندار کارکردگی کے ذریعے پہلی پوزیشن پر پہنچے۔ انہوں نے اس میچ میں 199 رنز کی اننگز کھیلی تھی۔ دوسری پوزیشن پر سری لنکا کے کمار سنگاکارا ہیں جبکہ جنوبی افریقہ کے اے بی ڈی ویلیئرز کی تیسری پوزیشن ہے۔ ہاشم آملا چوتھے، اینجلو میتھیوز 5ویں اور یونس خان چھٹے نمبر پر ہیں۔ انگلینڈ کے جو روٹ 7ویں، نیوزی لینڈ کے کیون ولیم سن 8ویں اور پاکستان کے مصباح الحق 9ویں نمبر پر ہیں جبکہ آسٹریلوی اوپنر ڈیوڈ وارنر کا 10واں نمبر ہے ۔

مزید پڑھئے:سائنسدان: پہلی مرتبہ چمپینزی کی الکحل سے رغبت کے ثبوت ملے ہیں

بولرز میں ڈیل سٹین پہلے، جیمز اینڈرسن دوسرے، ٹرینٹ بولٹ تیسرے، ریان ہیرس چوتھے، رنگانا ہیراتھ چوتھے، مچل جونسن 5ویں، سٹوارٹ براڈ چھٹے، ورنن فلانڈر 7ویں، مورنے مورکل 8ویں اور ٹم سادی 10ویں نمبر پر ہیں۔ پاکستان کے سعید اجمل 11ویں اور جنید خان 15ویں نمبر پر ہیں۔