میڈرڈ (نیوزڈیسک)فٹ بال کی دنیا کے امیر ترین کھلاڑی کرسچیانو رونالڈو کی والدہ کو پچھلے ماہ میڈرڈ کے ہوائی اڈے پر اس وقت روک لیا گیا جب ان کے ہینڈ بیگ سے 61 ہزار ڈالر برآمد ہوئے۔رپورٹ کے مطابق ڈولوریز ایوی ایرو کو ہوائی اڈے پر اس وقت روکا گیا جب وہ پرتگال کےلئے جہاز کا انتظار کر رہی تھیں۔اخبار کے مطابق رونالڈو کی والدہ حکام کو اطمینان بخش جواب نہ دے سکیں کہ وہ اتنی زیادہ رقم کیوں لے کر سفر کر رہی تھیں۔حکام کے مطابق رونالڈو کی والدہ کے پاس سے جو رقم برآمد ہوئی ہے وہ اس وقت تک ضبط کر لی جائےگی جب تک کہ وہ جرمانہ نہیں ادا کرتیں اور رقم لے جانے کےلئے درست دستاویزات جمع نہیں کراتیں۔سپین میں منی لانڈرنگ کو روکنے کےلئے قانون ہے کہ بغیر اجازت کے سپین سے باہر 11 ہزار ڈالر لے جائے سکتے ہیں۔اخبار کے مطابق یہ قانون جو بھی توڑتا ہے وہ شخص صرف انتظامی جرم کا مرتکب ہوتا ہے۔رپورٹوں کے مطابق ڈولوریز میڈرڈ کے قریب اپنے بیٹے رونالڈو کے عالیشان بنگلے میں لمبا عرصہ رہتی ہیں۔رونالڈو کی والدہ کو 665 ڈالر جرمانہ ادا کرنا ہو گا۔یاد رہے کہ رونالڈو کو ریئل میلارڈ کے ساتھ معاہدے سے تین لاکھ پچاسی ہزار ڈالر فی ہفتہ ملتے ہیں۔