نئی دہلی(نیوزڈیسک)بھارتی وزیر اعظم نریندر مودی کی جانب سے پاک بھارت تعلقا ت کو بہتر بنانے کےلئے پاکستان کے ساتھ کرکٹ ڈپلو میسی شروع کے اعلان کے ساتھ ہی بھارت میں نریندر مودی کے اعلان کی مخالفت شروع ہو گئی بھارتی میڈیا کے مطابق حکمراں جماعت بھارتیہ جنتا پارٹی (بی جے پی) کی پارلیمانی پارٹی کا اجلاس ہوا جس میں بھارتی وزیراعظم نے پاکستان سے تعلقات کو بہتر بنانے کےلئے کرکٹ ڈپلومیسی شروع کرنے کا اعلان کیا۔ بھارتی وزیراعظم نے کہا کہ ان کی حکومت نے پاک بھارت کرکٹ سیریز شروع کرنے کا فیصلہ کیا وہ پاکستان کے ساتھ اس لیے کرکٹ سیریز شروع کرنا چاہتے ہیں تاکہ دونوں ملکوں کے درمیان تعلقات بہتر ہوں۔بھارتی میڈیا کے مطابق نریندر مودی کے کرکٹ ڈپلومیسی شروع کرنے کے اعلان پر بعض پارٹی اراکین کی جانب سے اعتراضات سامنے آئے اور بی جی پی کے ایک رکن آر کے سنگھ اور سابق کرکٹر اور جماعت کے موجودہ رکن پارلیمنٹ کرتی آزاد نے بھی دونوں ملکوں کے درمیان کرکٹ سیریز شروع کرنے کی مخالفت کی