سینٹ جارج(نیوز ڈیسک)ویسٹ انڈیز اور انگلینڈ کے خلاف جاری 3میچوں پر مشتمل ٹیسٹ سیریز کا دوسرا ٹیسٹ سینٹ جارج، گرینڈا میں جاری ہے۔ آج میچ کے دوسرے دن کے کھیل اختتام پر انگلش ٹیم نے اپنی پہلی اننگ میں بغیر کسی نقصان کے پہلی وکٹ پر 74رنز اسکور کرلیے ہیں۔ قبل ازیں کالی اندھی ٹیم نے اپنی پہلی اننگ کے دوسرے دن کے کھیل کی شروعات 188رنز 5وکٹوں کے نقصان پر کی، تو ان کی پوری ٹیم 299رنز بنا کر آﺅٹ ہوگئی، انگلش ٹیم کی جانب سے اسٹورٹ براڈ نے4، جیمز اینڈرسن اور کرس جارڈن نے 2,2وکٹیں حاصل کیں۔ جواب میں انگلش ٹیم نے اپنی پہلی اننگ کا آغاز بہت اچھا کیا اور کھیل کے اختتام تک 26اوورز کھیلے اور پہلی وکٹ پر نا قابل شکست 74رنز کی شراکت بنا ڈالی، دوسرے جانب کالی اندھی کے بالرز جان توڑ کوشش کے باوجود ایک بھی وکٹ حاصل کرنے میں ناکام رہے۔