لاہور(نیوز ڈیسک)محمد حفیظ اورقومی خواتین ٹیم کی رکن جویریہ ودود کے باﺅلنگ ٹیسٹ کی رپورٹ آئندہ دو روز تک متوقع ہے۔محمد حفیظ اور جویریہ ودود 9اپریل کو چنئی میں بائیومکینکل ٹیسٹ دے کر آئے تھے۔ ذرائع کا دعویٰ ہے کہ دو سے تین روز میں باو¿لنگ ٹیسٹ کے نتائج موصول ہو جائیں گے۔ محمد حفیظ نے ٹیسٹ دینے کے بعد توقع ظاہر کی تھی کہ ان کا باو¿لنگ ایکشن ا ب درست قرار دے دیا جائے گا۔ یاد رہے کہ ورلڈکپ کے آغاز سے قبل محمد حفیظ کے لئے برسبین میں باقاعدہ ٹیسٹ کیلئے 16فروری کی تاریخ مقرر کی گئی تھی لیکن آل راو¿نڈر انجری کا شکار ہوکر ورلڈ کپ سے باہر ہو گئے۔اگر محمدحفیظ آئی سی سی کی جانب سے کلیئر ہونے میں کامیاب ہوگئے تو بنگلہ دیش کیخلاف 24اپریل کو شیڈول واحد ٹی ٹونٹی میچ اور اسکے بعد ٹیسٹ سیریز میں باو¿لنگ کرسکیں گے۔