چنائے(نیوزڈیسک) آئی پی ایل کی افتتاحی تقریب نے فی الحال کے مشہور زمانہ پریمی جوڑے انوشکا شرما اور ویراٹ کوہلی کو ایک بار پھر میڈیا کی توجہ کا مرکز بنا دیا تاہم اب کی بار کوہلی کی جگہ انوشکا میدان میں جبکہ کوہلی تماشائیوں میں تھے۔ دراصل انوشکا نے افتتاحی تقریب میں ایک شاندار میوزیکل پرفارمنس دی تھی جسے سراہنے والوں میں انوشکا کے بوائے فرینڈ اور بھارتی کرکٹر ویراٹ کوہلی بھی شامل تھے۔دلچسپ امر یہ ہے کہ ویراٹ کوہلی ، انوشکا کی پرفارمنس کے آغاز پر کچھ شرمائے ہوئے دکھائی دے رہے تھے تاہم پھر وقت کے ساتھ ساتھ ان کا اعتماد بحال ہوتا گیا اور وہ بھی کھل کے داد دینے لگے۔ انوشکا کی پرفارمنس مکمل ہونے تک ٹی وی کیمروں کی نگاہوں کا مرکز ویراٹ کوہلی ہی بنے رہے۔