کراچی(نیوز ڈیسک) قومی کرکٹ ٹیم کے آل راﺅنڈ شاہد خان آفریدی نے کہاکہ محمد یوسف اُن سے بڑا کھلاڑی ہوگالیکن اب اُن کا تعلق کرکٹ سے نہیں رہا، تبلیغی جماعت سے ہے ، اللہ کرے مجھے بھی ہدایت ملے لیکن اندر کے انسان کو اچھاکرلیں ، اپنی نیتوں کو بدلیں تو خداکی قسم اپنی ہرجائز منزل پالوگے ۔ نجی ٹی وی چینل کے پروگرام میں سوال کے جواب پر شاہدخان آفریدی کاکہناتھاکہ ”محمد یوسف کرکٹ سے ریٹائرمنٹ کے بعد کافی عرصے سے کچھ نہ کچھ باتیں کررہاہوتاہے ، وہ سمجھتے ہیں کہ محمد یوسف اُن سے بڑا کرکٹر ہے اور امیدہے کہ بہت اچھامسلمان بھی ہوگا، میں بڑانافرمان اور گنہگارآدمی ہوں ،محمد یوسف کو وہ یہ کہیں گے کہ اب آپ کرکٹرنہیں رہے ، اب تعلق ایک تبلیغی جماعت سے رہ گیاہے ، اگر اپنی عزت نہیں رکھی تو کوشش کرے کہ تبلیغی جماعت کی عزت رکھ لے ،مسجدوں ، سکولوں اوردیگرجگہوں پر جاکر اللہ رسول کی بات کرنا،بیانات کرنایعنی اُن کا کہناکچھ اور ہے اورعملاً کچھ اور ہے “۔ آفریدی کاکہناتھاکہ” جنہیں اللہ نے عزت دی ہے ، آپ ٹی وی پر بیٹھ کراُڑائے جارہے ہیں، اُن کی عزتوں کو اُڑائے جارہے ہیں،اُن کو برا بھلاکہہ رہے ہیں ، ہمیں یہ چیزیں دین نہیں سکھاتا، داڑھی اور ٹوپی اچھی چیز ہے ، اللہ کرے کہ مجھے بھی ہدایت ملے اور میں بھی داڑھی اور ٹوپی رکھوں لیکن اُس سے بہتر اندرکے انسان کو بدلناہے ،اگراندرکا انسان اچھا ہوجائے تو آپ کو داڑھی بھی اچھی لگے گی اور چہرے پر نوربھی آجائے گا “۔ آفریدی نے بھارت کی جلتی پر تیل پھینک دیا، تفصیلات کیلئے یہاں کلک کریں ۔ اُنہوں نے کہاکہ یہ ہمارے لوگوں کو مسئلہ ہے کہ باہر بیٹھ کر پاکستان کی بہتری ، کرکٹ کی باتیں کرتے ہیں ، یہ وہی لوگ ہیں جو پاکستان کرکٹ کو چھوڑ کر آئی پی ایل میں کھیلنے چلے گئے تھے ، مجھے بھی آٹھ کروڑ روپے کی آفر ہوئی تھی لیکن پاکستان سے کھیلنے کو ترجیح دی ۔ آفریدی کاکہناتھاکہ” اب ٹی وی پر آکر طرح طرح کی باتیں کرتے ہیں ، خداکے واسطے ، تھوڑا بولولیکن سچ بولو، عوام کو تو بے وقوف بنالوگے لیکن جو فیصلہ” اوپر “سے ہوناہے ، اُس سے ڈروکیونکہ اُس ذات کو تو پتہ ہے کہ کیا ہورہاہے ، اپنی نیتوں کو بدلوتوخداکی قسم آپ ہر منزل پالوگے “۔
