اسلام آباد(نیوز ڈیسک)قومی ٹیم کے وکٹ کیپر بیٹسمین سرفراز احمد نے کہا ہے کہ وکٹ کیپنگ ان کی پہلی ترجیح ہے ¾بیٹنگ پلس پوائنٹ ہے۔ میڈیا سے گفتگو کرتے ہوئے کرکٹ ورلڈکپ 2015 میں پاکستان کی جانب سے واحد سینچری اسکور کرنے والے وکٹ کیپربیٹسمین سرفراز احمد نے کہاکہ انہیں کسی بھی نمبرپربیٹنگ کرنے میں کوئی مسئلہ نہیں ان کی کوشش ہوتی ہے جس نمبرپربھی بیٹنگ کریں سو فیصد کارکردگی دکھائیں،انہوں نے کہا کہ ان کی پہلی ترجیح وکٹ کیپنگ ہے بیٹنگ تو پلس پوائنٹ ہے۔ ورلڈ کپ میں پاکستان کی نمائندگی کرنا اعزاز کی بات ہے،آئرلینڈ کیخلاف سنچری اسکور کرنے کا عمراکمل نے موقع فراہم کیا،سرفراز احمد نے کہا کہ اسپنرز کی گیندوں پر وکٹ کیپنگ کرنا بہت مشکل ہوتا ہے۔