ایڈیلیڈ (نیوز ڈیسک)قومی ٹیم کے فاسٹ باولر وہاب ریاض نے شین واٹسن کے ساتھ پیش آنیوالے واقعات کی اصل وجہ بتادی تفصیلات کے مطابق نجی ٹی وی سے گفتگو کرتے ہوئے وہاب ریاض نے کہاکہ وہ جب بیٹنگ کرنے آئے تو شین واٹسن نے ان سے کہا تھا کہ کیا تمہارے ہاتھ میں بلا نہیں ہے ان کے اس مذاق کے بعد جب وہ بیٹنگ کرنے ٓئے تو میں نے بھی انہیں باونسر پر رکھ لیا اور یہی کہا کہ تمہارے ہاتھ میں بیٹ نہیں ہے انکا مزید کہنا تھا کہ میچ کے بعد شین واٹسن نے انکے پاس آکر باولنگ کی تعریف بھی کی وہاب ریاض نے کہاکہ کوئی جان بوجھ کر کیچ نہیں چھوڑتا راحت علی سے ناراض نہیں ہوں کیونکہ ایسا کسی کے ساتھ بھی ہوسکتا ہے وہاب ریاض نے قوم سے معافی مانگتے ہوئے کہاکہ ٹیم نے قوم کیلئے ورلڈ کپ جیتنے کی بھرپور کوشش کی تاہم شاید یہ قسمت کو منظور نہیں تھا ۔