ایڈیلیڈ ( نیوز ڈیسک) ورلڈ کپ 2015میں شریک قومی ٹیم کے باولنگ لائن اپ میں ریڑھ کی ہڈی کی تصور کئے جانے والے محمد عرفان کی میگا ایونٹ کے بقیہ میچز میں شرکت مشکوک ہوگئی ہے آئیر لینڈ کے خلاف میچ میں کمنٹری کرنے والے پاکستان کے عظیم فاسٹ بولر وسیم اکرم کا کہنا تھا کہ محمد عرفان جس انجری کا شکار ہوئے ہیں عام طور پر اسے ٹھیک ہونے کیلئے دو ہفتے درکار ہوتے ہیں وسیم اکرم کے مطابق عرفان کے انجری کی رپورٹ اب تک نہیں آئی ہے تاہم اگر رپورٹ میں عرفان کی انجری کی نوعیت سنگین ہوئی تو عرفان کو ٹھیک ہونے کیلئے دو ہفتے درکار ہوں گے جبکہ ردھم میں آنے کیلئے انہیں مزید وقت درکار ہوگا یاد رہے کہ محمد عرفان متحدہ عرب امارات کے خلاف میچ کے دوران کولہے کی تکلیف کا شکار ہوگئے تھے ۔