ایڈیلیڈ(نیوز ڈیسک) پاکستان نے آئرلینڈ کو شکست دے کر کوارٹرفائنل تک رسائی حاصل کرلی ہے اور سرفرازاحمد مین آف دی میچ قرارپائے۔ جیتنے کے بعد گفتگوکرتے ہوئے سرفرازاحمد کاکہناتھاکہ وقار یونس نے میچ سے قبل کہاتھاکہ کسی نے گرین شرٹس کی طرف سے سینچری نہیں ، کوشش کریں کہ سینچری بنائیں اور اللہ کا شکر ہے کہ کامیابی حاصل ہوئی۔ اْن کاکہناتھاکہ میچ بہت اہمیت اختیار کرگیاتھا، مارنے یامرنے والی صورتحال تھی ،آئرلینڈ سے میچ جیتنا بھی اپنی جگہ پر اہم ہے ، عمراکمل سمیت تمام کھلاڑیوں نے محنت کی اور کامیاب ہوگئے جس کا آگے بڑھ کر مزید فائدہ ہوگا۔