نیویارک (نیوز ڈیسک شہرہ آفاق ٹینس سٹار اور سترہ مرتبہ گرینڈ سلام چیمپئن راجر فیڈرر نے کہا ہے کہ رواں برس شیڈول ومبلڈن اوپن کا ٹائٹل جیتنا ہدف ہے۔ فیڈرر کو اس سے قبل کیریئر میں سات بار ومبلڈن اوپن ٹائٹلز جیتنے کا اعزاز حاصل ہے، اگر وہ ایک اور ومبلڈن اوپن کا ٹائٹل جیت لیتے ہیں تو وہ پیٹ سیمپراس اور ولیم رینشاہ کا زیادہ بار ومبلڈن ٹائٹلز جیتنے کا عالمی ریکارڈ توڑ دیں گے۔ اپنے ایک بیان میں فیڈرر نے کہا کہ ومبلڈن میرا پسندیدہ ٹورنامنٹ ہے، میری خواہش ہے کہ میں ایک اور ومبلڈن ٹائٹل جیت کر نیا عالمی ریکارڈ اپنے نام کروں اور مقصد کے حصول کیلئے سرتوڑ کوشش کروں گا۔ انہوں نے کہا کہ یہ نہ صرف میرے لئے بلکہ پورے ملک کیلئے اعزاز کی بات ہو گی اور میں رواں برس شیڈول ایونٹ میں بھرپور تیاری کے ساتھ شرکت کروں گا۔ انہوں نے کہا کہ رافیل نڈال 14 گرینڈ سلام ٹائٹلز جیت چکے ہیں اگر وہ اس بار فرنچ اوپن جیت گئے اور میں ومبلڈن ٹائٹل نہ جیت سکا تو وہ میرا زیادہ بار گرینڈ سلام ٹائٹلز جیتنے کا ریکارڈ توڑ سکتے ہیں، نوویک جوکووچ ابھی بہت دور ہیں اور مجھے نہیں لگتا وہ ایسا کر پائیں گے۔