ایڈیلیڈ (نیوزڈیسک ) ورلڈ کپ میں آئرلینڈ کو زیر کرنے کے لیے قومی ٹیم کی سخت تیاریاں جاری ہیں۔ کپتان مصباح الحق نے کھلاڑیوں کو بغیر کسی دباو¿ کے جیت کے عزم کے ساتھ میدان میں اترنے کا کہہ دیا۔ پاکستانی ٹیم نے ایڈیلیڈ کے سینٹ پیٹر کالج میں آج بھی بھرپور پریکٹس کی۔ تین گھنٹے کے مختصر تربیتی کیمپ میں کھلاڑیوں نے فزیکل ٹریننگ سمیت اپنی بیٹنگ باﺅلنگ اور فیلڈنگ پر توجہ دی۔ حارث سہیل مکمل فٹ ہو گئے ، انہوں نے بیٹنگ اور باﺅلنگ کی پریکٹس کی ، محمد عرفان نے بھی باﺅلنگ سیشن میں حصہ لیا۔ کپتان مصباح الحق کا کہنا ہے کہ آئندہ میچوں میں غلطی کی کوئی گنجائش نہیں ہے ، کھلاڑیوں کو صرف جیت کا جذبہ لے کر میدان میں اترنا ہو گا۔ پاکستانی ٹیم کا آخری گروپ میچ آئرلینڈ کے خلاف پندرہ مارچ کو شیڈول ہے۔ پاکستانی ٹیم کے لیے یہ میچ پری کوارٹر فائنل کی حیثیت رکھتا ہے جس میں اسے ہر صورت کامیابی درکار ہے۔