کرکٹر دنیا بھر کے کھیلوں میں ایک مشہور ترین کھیل کے طور پر جانا جاتا ہے‘ اس کے نتیجے میں کرکٹرز کے پاس روپے کی بھی ریل پیل ہوتی ہے‘ کرکٹ کھیلنا ‘اچھا سکور کرنا ‘ خطابات حاصل کرنا لیکن یہ کھیل بھی پیسے کے لحاظ سے زیادہ منافع بخش نہیں رہا‘ جبکہ پاکستانی کرکٹرز کی ماہانہ تنخوائیں کا انٹر نیشنل سطح پر کوئی ملاپ نہیں مگر ان کی موجودہ پر فارمنس کو مدنظر رکھتے ہوئے یہ تنخوائیں بھی ان کی کارکردگی سے کئی گنا زیادہ ہیں۔
ء٢٠١٤ میں ہونے والے کنٹریکٹ کے مطابق کیٹگری کی بنیاد پر مندرجہ ذیل قریباً تنخوائیں ہیں
کیٹگری A
یہ سب سے زیادہ کمائی حاصل کرنے والی کیٹگری ہے‘ اس میں کھلاڑی کی بنیادی تنخواہ 4لاکھ 25ہزار ماہانہ ہے‘ اس کیٹگری میں پاکستانی ٹیم کے موجود کپتان مصباح ‘ سابقہ وائس کپتان محمد حفیظ ‘سپنر سعید اجمل اور 2013ء کے سب سے زیادہ وکٹیں لینے والے کھلاڑی جنید خان اور ہر من پسند آفریدی ہیں‘ اس بنیادی تنخواہ سے ہٹ کر یہ کھلاڑی ٹیسٹ میچ فیس 4لاکھ لیتے ہیں‘ODIکے لیے 3لاکھ 30ہزار روپے لیتے ہیں‘ اور T-20کھلینے کے ایک لاکھ 25ہزار وصول کرتے ہیں‘ اس اعلیٰ کیٹگری کے کھلاڑیوں میں مصباح نے t-20سے ریٹائر منٹ کا اعلان کر دیا تھا جبکہ شاہد آفریدی اپنا پانچواں اور آخری ICCورلڈ کپ کھیل رہے ہیں۔
Bکیٹگری
اب آتے ہیں کیٹگریBمیں‘ اس کیٹگری میں بنیادی تنخواہ 3لاکھ 15ہزار 562روپے ہے اور کھلاڑیوں میں عمر گل ‘ یونس خان اور احمد شہزاد ہیں۔
کیٹگری C:
کیٹگری Cکے کھلاڑی معاہدے کے مطابق 175,750روپے ماہانہ بینادی تنخواہ لیتے ہیں ‘ اوران کھلاڑیوں میں شامل ہیں‘ اسد شفیق ‘ ٹیسٹ بلے باز اظہر علی‘ ٹیسٹ وکٹ کیپر عدنان اکمل ‘ خرم منظور‘ ناصر جمشید اور آف سپنر عبدالرحمان ۔
کیٹگری D:
معائدے میں نئی تبدیلی کے مطابق کچھ کھلاڑی ماہانہ ایک لاکھ تنخواہ بھی وصول کر رہے ہیں‘ اس کیٹگری میں شعیب مقصود‘ بلاول بھٹی‘ سردار احمد ‘شرجیل کان ‘فواد عالم ‘ احسان عادل ‘ وہاب ریاض‘ عمر امین‘ ذوالفقار بابر‘ حارث سہیل ‘راحت علی اور محمد طلحہ شامل ہیں‘یہ تنخواہیں کافی نہیں ہیں ہمارے کھلاڑیوں کو اچھی پرفارمنس پر بونس اور مراعاتیں بھی مل رہی ہیں‘ جو مندرجہ ذیل ہیں ‘کھلاڑی ODIمیں یا ٹیسٹ میچ میں سنچری بنانے پر 3لاکھ ‘ڈبل سنچری بنانے پر 5لاکھ اور ٹیسٹ میچ میں 10وکٹیں لینے پر 3لاکھ روپے وصول کرتے ہیں‘
اس کے علاوہ ٹیم بونس بھی دیئے جاتے ہیں۔
اعلیٰ پایہ ٹیم اور انڈیا کو شکست دینے پر 100فیصد بونس ملتے ہیں‘ بھارت یا اعلیٰ پایہ ٹیم کے خلاف پوری سیریز جیتنے پر 200فیصد تک ٹیم بونس ملتا ہے‘ ICCایونٹ یا ایشیا ء کپ جیتنے پر 300فیصد تک ٹیم بونس ملتا ہے ۔
