لاہور(نیوزڈیسک) معین خان کو کیسینو جانا اتنا بھاری پڑ جائے گا‘ شاید معین خان نے کبھی خواب میں بھی نہیں سوچا ہوگا۔لاہور کی سیشن عدالت نے قومی کرکٹ ٹیم کے چیف سلیکٹر معین خان کے خلاف جوئے کا مقدمہ درج کرانے کے لئے درخواست منظور کرلی۔ایکسپریس نیوز کے مطابق لاہور کی سیشن عدالت میں شہری کی جانب سے قومی ٹیم کے چیف سلیکٹر معین خان کے خلاف جوئے کا مقدمہ درج کرانے کی درخواست دائر کی گئی جس میں موقف اختیار کیا کہ معین خان نے کسینو میں جوا کھیل کر قوم کو بدنام کیا جبکہ جوا کھیلنے کے باعث قومی ٹیم کو ویسٹ انڈیز کے خلاف شکست کا سامنا بھی کرنا پڑا۔ عدالت نے شہری کی درخواست منظور کرتے ہوئے ایس ایچ او تھانہ اسلام پورہ کو نوٹس جاری کرتے ہوئے ایک ہفتے میں جواب طلب کرلیا۔واضح رہے کہ قومی ٹیم کے چیف سلیکٹر معین خان ویسٹ انڈیز کے خلاف میچ سے قبل اپنی اہلیہ کے ہمراہ جوا خانے گئے تھے جس کا انہوں نے اعتراف کرتے ہوئے قوم سے معافی مانگ لی تھی مگر معافی مانگنے کے باوجود پریشانیاں ہیں کو معین خان کا پیچھا نہیں چھوڑ رہیں۔ دیکھئے اب یہ اونٹ کس کروٹ بیٹھتا ہے۔