برسبین(نیوز ڈیسک)آو¿ٹ آف فارم سینئر بلے باز یونس خان نےورلڈ کپ کے بعد ریٹائرمنٹ کی خبر کی تردید کرتے ہوئے کہا ہے کہ وہ ٹیم کی توقعات پر پورا اترنے کیلئے سخت محنت کر رہے ہیں۔منگل کو یونس کے مبینہ آفیشل ٹوئٹرد اکاو¿نٹ سے ایک پیغام میں کہا گیا تھا کہ وہ میگا ایونٹ کے بعد ون ڈے کرکٹ سے سبکدوش ہو جائیں گےاور ٹیسٹ کرکٹ کھیلتے رہیں گے۔تاہم، یونس کا اصرار ہے کہ ان کا کوئی ذاتی ٹوئیٹر اکاو¿نٹ نہیں۔’میرا کوئی ٹوئیٹر اکاو¿نٹ نہیں اور میرے ریٹائر ہونے کی کہانی جعلی ہے’۔انہوں نے گفتگو میں کہا’میں اپنی بیٹنگ فارم کیلئے محنت کر رہا ہوں اور ابھی تک میں نے اپنے مستقبل کے حوالے سے سوچا نہیں ‘۔ورلڈ کپ میں انڈیا اور ویسٹ انڈیز کے خلاف پہلے دو میچوں میں بالترتیب چھ اور صفر رن بنانے پر سینئر بلے باز کو شدید تنقید کا سامنا کرنا پڑ رہا ہے۔گزشتہ مہینے نیوزی لینڈ دورے کے بعد سے اب تک 37 سالہ یونس آٹھ میچوں میں صرف 78 رنز ہی بٹور سکے ہیں۔یونس نے 263 ون ڈے میچوں میں 7203 رنز بنا رکھے ہیں۔گزشتہ سال یو ا ے ای میں نیوزی لینڈ کے خلاف ون ڈے سیریز میں سینچری بنانے کے بعد ہی یونس کو ورلڈ کپ سکواڈ میں شامل کیا گیا تھا۔اس سے پہلے انہیں یو اے ای میں ہی آسٹریلیا کے خلاف ون ڈے سیریز میں شامل نہیں کیا گیا تھا۔انہوں نے آسٹریلیا کے خلاف دو ٹیسٹ میچوں کی سیریز میں ڈبل سینچری سمیت 468 رنز بنائے تھے۔