برسبین (نیوز ڈیسک)پاکستان کرکٹ ٹیم نے منگل کے روز برسبین شہر میں واقع ایلن بورڈر فیلڈ میں پریکٹس کی۔کرائسٹ چرچ سے برسبین پہنچنے کے بعد یہ پاکستانی ٹیم کی پہلی پریکٹس تھی۔پاکستانی ٹیم کی پریکٹس کے موقع پر تمام کھلاڑی تازہ دم دکھائی دے رہے تھے۔پاکستانی ٹیم کی پریکٹس کے موقع پر تمام کھلاڑی تازہ دم دکھائی دے رہے تھے اور انہوں نے کوچنگ اسٹاف کی نگرانی میں سخت ٹریننگ کی۔ پاکستانی منیجمنٹ نے کھلاڑیوں کو میڈیا سے بات چیت سے روک رکھا ہے۔ اس بارے میں جب منیجر نوید اکرم چیمہ سے رابطہ کیا گیا تو انھوں نے کہا کہ اس کا مقصد یہ ہے کہ کھلاڑی صرف کھیل پر توجہ مرکوز رکھیں۔پاکستانی ٹیم بدھ کے روز بھی ایلن بورڈر فیلڈ میں پریکٹس کرے گی جو کوئنز لینڈ کرکٹ کا مرکز ہے۔ اس میدان سے متصل نیشنل کرکٹ سینٹر واقع ہے جہاں تمام تر سہولتوں سے آراستہ کرکٹ اکیڈمی اور بائیو مکینک لیبارٹری بھی موجود ہے جہاں پاکستانی آف اسپنر سعید اجمل کا ٹیسٹ ہوچکا ہے۔واضح رہے کہ پیر کے روز پاکستانی ٹیم کا پہلا پریکٹس سیشن منسوخ کردیا گیا تھا اور ٹیم منیجمنٹ اور کھلاڑی پورا دن میٹنگز میں مصروف رہے تھے جس کا مقصد ٹیم کی انتہائی مایوس کن کارکردگی کے بعد کھلاڑیوں کو حوصلہ دینا بتایا گیا تھا۔اسی دوران پاکستان کرکٹ بورڈ کے چیرمین شہریارخان نے کپتان کوچ اور منیجر کے علاوہ چیف سلیکٹر معین خان سے بھی فون پر بات کی تھی۔ شہریارخان نے منیجمنٹ سے کہا ہے کہ اگلے میچ میں آو¿ٹ آف فارم کھلاڑیوں کو آرام دیا جائے اور درست سلیکشن کیا جائے۔پاکستانی ٹیم کو بھارت اور ویسٹ انڈیز کے خلاف شکست کا سامنا کرنا پڑا ہے اور وہ ورلڈ کپ میں اپنا تیسرا میچ یکم مارچ کو زمبابوے کے خلاف برسبین کے وولن گابا میں کھیلے گی۔