اسلام آباد(نیوز ڈیسک )عوامی مسلم لیگ کے سربراہ شیخ رشید احمد نے کہا ہے کہ ورلڈکپ کے لیے منتخب کی گئی ٹیم کی سلیکشن اور قسمت دونوں ہی خراب ہیں، جس طرح کی کارکردگی ٹیم نے دکھائی ہے ان پر کم سے کم 10 سال کے لیے پابندی عائد کی جانی چاہیے اور نئے لوگوں کو شامل کرنا چاہیے، آسٹریلیا سے پاکستانی ٹیم منہ چھپا کر وطن واپس آئے گی،یہ ٹیم کسی حیثیت سے بھی ایک شہر میں نہیں اتر سکتی ہے ‘۔ اپنے ایک انٹرویو میں انہوں نے کہاکہ عوام کو چاہیے کہ وہ اس کارکردگی پر ٹیم کا انڈوں پر گو نواز گولکھ کر استقبال کریں۔انہوں نے کہا کہ اگر ٹیم میں بلائنڈ کرکڑز کو شامل کیا جاتا تو بھی ایک رن پر چار آو¿ٹ نہ ہوتے۔ جتنے اخراجات ٹیم پر کیے گئے اگر یہ ملکی مسائل پر کیے جاتے تو اتنا افسوس نہ ہوتا۔شیخ رشید کا کہنا تھا کہ ٹیم میں تمام کھلاڑی شفارش پر شامل کیے جاتے ہیں جن کو ہم ہیرو بنا کر پیش کرتے ہیں۔ انہوں نے کہا کہ یہاں پر جو جسے پسند آتا ہے اسے چیئرمین بنا دیا جاتا ہے۔