سیاسی لیڈر کی جتنی قدر ہوتی ہے بے عزتی ہوتے ہوئے بھی دیر نہیں لگتی ۔ اگر عوام کو یہ محسوس ہونے لگے کہ لیڈر ان پر بوجھ بن گئے ہیں تو وہ انکی کیسی حالت کرتے ہیں اسکی ایک مثال گزشتہ دنوں یوکرین میں دیکھنے میں آئی۔ ساری دنیا کو اس وقت بد عنوان سیاستدانوں سے کئی ایک مسائل کا سامنا ہے۔ یوکرین میں جاری بحران کے دوران عوام نے بدعنوان اور سیاسی جماعت بدلنے والے قائدین کو سبق سکھانے کا انوکھا طریقہ دریافت کیا ہے اس سے نہ صرف دنیا کے مظلوم لوگوں کو بدلہ لینے کا راستہ دکھائی دیا ہے وہیں ایسے قائدین کیلئے یہ ایک سبق ہے۔ یوکرین کے دارالحکومت کیف میں لوگوں نے عوام مخالف قانون سازی کی حمایت کرنے والے ایک رکن پارلیمنٹ کو کوڑے دان میں پھینک دیا۔
