کارلس سلم اس وقت 83 ارب ڈالر کے مالک ہے ان کا کاروبار میکسیکو اور لاطینی امریکہ کے دیگر ممالک میں ٹیلی کیمونیکیشن کے شعبہ سے وابستہ ہے۔
زیادہ چھٹیاں اور کم کام کس کا شوق نہیں تو جناب دنیا کے امیر ترین شخص نے ایسے لوگوں کی خواہش کو سامنے رکھتے ہوئے تجویز پیش کی ہے کہ ہفتے کےدوران کام کرنے کے لیے صرف 3 دن رکھے جائیں باقی دن لوگ تفریح کریں اور اپنے خاندان کےساتھ گزاریں اس سے زندگی زیادہ بہتر ہوجائے گی۔ امریکی ٹی وی کو انٹرویو دیتے ہوئے کارلس سلم کا کہنا تھا کہ انہیں یقین ہے کہ ایسا ممکن ہے کیوں کہ صرف مشینیں ہی 24 گھنٹے کام کرسکتی ہیں تاہم لوگ اس بات کے مستحق ہیں کہ انہیں تفریح، اپنی فیملی اور مزید جاب ٹریننگ کے لیے وقت ملنا چاہئے جس سے ان کی کارگردگی میں بہتری آئے گی۔