خاندان سلجوق کی حکومت گیارہویں صدی سے لے تیر ہویں صدی تک رہی جو ہند وکش سے ترکی اور وسطیٰ ایشیا سے خلیج فارس تک پھیلی ہوئی تھی۔ خاندان سلجوق کی حکومت کو منگولوں کے ظالم حکمران چنگیز خان نے ختم کیا ‘منگولوں کے مظالم نے جہاں مسلمانوں کا جانی و مالی نقصان کیاوہیں بے پناہ علمی اور ادبی نقصان بھی ہوا اور ساتھ ساتھ بے تحاشاکتب بھی ضائع کر دی گئیں۔ اس وجہ سے کئی عظیم مسلمان سائنسدان اور فلسفیوں کے افکار ہم تک نہ پہنچ سکے۔مسلمانوں پر سے ظلمت کا یہ سایہ اس وقت ختم ہوا جب منگول حکمران اسلام قبول کرنے لگے اور عظیم حکمران امیر تیمور نے چودہویں صدی عیسوی میں مشرق وسطیٰ پر حکومت کی‘ اس کی ریاست ہندوستان سے وولگا (روس) اور شام سے چین تک پھیلی تھی جس کا مرکز ہرات( افغانستان) تھا۔ پندرہویں صدی میں یہ ریاست کمزور ہوئی اور بالآخر مختلف چھوٹی چھوٹی ریاستوں میں بٹ گئی۔ اٹھارویں صدی عیسوی کے وسط میں کرغزستان پر چین نے قبضہ کر لیا۔ روسی فوجوں نے 1876ء میں اس پر قبضہ کر کے روسی ریاست میں شامل کرلیا۔
روس کے مارکسی انقلاب کے دوران1916ء میں وسطی ایشیاء میں سوویت یونین کے ناجائز قبضہ کے خلاف لوگ اٹھ کھڑے ہوئے۔ قابض فوج نے اس آواز کو طاقت سے دبایا اور قتل عام کیا اور یہاں کی آبادی کا چھٹا حصہ اس کی بھینٹ چڑھ گیا۔1917ء سے 1923ء تک کے عرصے میں ملک میں کمیونزم لاگو کر دیا گیاجس سے کر غیز لوگوں کا ثقافتی طریقہ زندگی متاثر ہوا۔1936ء میں اسے غزسوویت ریپبلک کا نام دے دیا گیا۔1990ء میں انتشارپھیلنے کی وجہ سے ملکی حالات کافی خراب ہوئے اور قریباً ایک لاکھ لوگ ہلاک ہوئے۔ 1991ء میں سوویت یونین کے ٹوٹتے ہی31