بھارتی ریاست چنائے کے نامور سرجنوں اور ماہرین امراض کی ٹیموں نے چھ دن کے ایک بچے کا طبی معائنہ کیا ، جس کے جسم میں حیرت انگیز طور پر خود بخود آگ لگ گئی تھی۔ بچے کے رونے ، چلانے پر اس کی ماں ، راجیش وری دیوی نے فوری طور پر کپڑا ڈال کر بچے کی جان بچائی اور اس کو کلپاک میڈیکل اسپتال ، چنائے لے گئی جہاں ڈاکٹروں نے بچے کو ابتدائی طبی امداد دینے کے بعد اس کے مختلف ٹیسٹ کرائے تاکہ یہ معلوم کیا جا سکے کہ اس بچے کے جسم میں ایسا کیا موجود تھاجس کی بنا پر خود بخود آگ بھڑک اْٹھی۔ واضح رہے کہ گزشتہ برس بھی راجیش وری دیوی کے ایک بیٹے کے جسم میں اچانک آگ بھڑک اْٹھی تھی۔ مقامی جریدے نیو انڈین ایکسپریس نے لکھا کہ اسے طب کی تاریخ کا انوکھا واقعہ قرار دیا گیاتھا ، جبکہ ہندو سادھوؤں اور پنڈتوں نے اس بچے پر کسی آسیب کے ہونے کا خدشہ ظاہر کیا اور کہا کہ جن یا بھوت اس بچے کی روح پر قابض ہیں اور اسی سبب بچے کے جسم میں آگ لگی ہے۔
