کسی بھی کتاب کا پہلا امتحان یہ ہے کہ کیاوہ پڑھنے میں عمدہ ہے؟اپنی زندگی اور سیاست کا احاطہ کرنے والی عابدہ حسین کی کتاب ’’ Failure Power‘‘ اس امتحان میں مستحسن طریقے سے پاس ہوجاتی ہے۔ کتاب اتنی عمدہ ہے کہ آپ اسے ایک ہی نشست میں پڑھے بغیر نہیں رہ سکیں گے۔ عابدہ حسین سحر انگیز بیان رکھتی ہیں‘آپ کہہ سکتے ہیں کہ وہ گفتگو کے آداب میں طاق ہیں‘ اگرچہ کبھی کبھار اْن کا لہجہ ضرورت سے زیادہ دوٹوک ہوجاتا ہے لیکن اچھے مقرر کی طرح وہ بھی مداخلت برداشت نہیں کرتیں اور نہ ہی کسی اور کو ا سٹیج پر قبضہ کرنے کی اجازت دیتی ہیں۔ تاہم اس سوانح عمری میں وہ دوٹوک ہونے کے بجائے ذہانت اور جاندار طرزِ تکلم کا مظاہرہ کرتی ہیں‘ چنانچہ یہ کتاب پڑھنے کے لائق ہے۔ کتاب بنیادی طور پر پاکستان اور عابدہ حسین کی ذاتی کہانی ہے۔ البتہ اس میں کئی سیاسی اور سماجی دلچسپ کہانیاں موجود ہیں۔
عابدہ کے والدین کی خواہش تھی کہ وہ اپنے کزن فخرامام سے شادی کرلیں‘عابدہ نے فخر امام کے سامنے یہ شرط رکھی ’’تم مجھ سے اور میرے والدین سے محبت کرو گے‘‘ فخر امام نے عابدہ کو یہ کہہ کر حیران کردیا ’’میں تم سے اس وقت سے محبت کررہا ہوں جب تم نو سال کی تھی‘‘