سرگودھا(این این آئی)بے نظیر انکم سپورٹ پروگرام کی رقم کے تقسیم پوائنٹ پربیوہ خاتون سے ریٹیلر نے بدتمیزی کرتے ہوئے ،اس کے کپڑے تار تار کر دیئے جس پر متاثرہ خاتون نے حصول انصاف کے لئے پولیس کو درخواست دے دی۔
سلانوالی کے 157 شمالی کی بیوہ خاتون منظوراں بی بی بے نظیر انکم سپورٹ کی رقم لینے میونسپل کمیٹی پوائنٹ پر گئی اور قطار میں انتظار میں کھڑی تھک ہار کر بیٹھ گئی تو ریٹیلر اعظم طیش میں آگیا جس نے بیوہ خاتون منظوراں بی بی کو دھکم پیل سے گرا دیا اور بازو سے پکڑ کر گھسیٹتے ہوئے اس کے کپڑے تار تار کر دیئے۔جس پر متاثرہ خاتون نے حصول انصاف کے لئے تھانہ سلانوالی میں درخواست دی تو پولیس اندراج مقدمہ میں ٹال مٹول کرتے ہوئے صلح صفائی پر مجبور کرنے میں سر گرم ہو گئی۔
