رائے ونڈ (این این آئی) شالیمار ایکسپریس کا روٹ تبدیل کردیا گیا ،یکم جولائی سے پرانے روٹ بذریعہ فیصل آباد ٹرین روانہ ہوگی۔تفصیلات کے مطابق سیلابی صورتحال کے بعد27اپ ،28ڈائون شالیمار ایکسپریس کو بحال کیا گیا ،ریلوئے حکام نے شالیمار ایکسپریس کو فیصل آباد کی بجائے براستہ رائے ونڈ روٹ دیا جس پر مذکورہ ٹرین کو شدید خسارے کا سامنا کرنا پڑا ،ریلوئے حکام نے ٹرین کو خسارے سے نکالنے کیلئے دوبارہ فیصل آباد روٹ پر چلانے کا فیصلہ کیا ہے جس پر یکم جولائی سے عمل درآمد ہوگا ،مذکورہ ٹرین کراچی اور لاہور سے صبح 6بجے بیک وقت روانہ ہوا کریگی ۔