لاہور(این این آئی)پاکستانی دستاویزی فلم ’’ہم سایہ‘‘ نے عالمی اعزاز اپنے نام کر لیا۔سینٹر فار سوشل جسٹس کی تیار کردہ پاکستانی دستاویزی فلم ’’ہم سایہ ‘‘کو وینس انٹر کلچرل فلم فیسٹیول 2023میں انسانی حقوق پر مبنی بہترین مختصر دستاویزی فلم کے ایوارڈ سے نوازا گیا۔

دستاویزی فلم ہم سایہ (Neighbour)کے ڈائریکٹر اور ایڈیٹر داد مراد نے لڑکیوں کے اغواء، جبری شادی، جبری تبدیلی مذہب جیسے معاشرتی مسائل پر مبنی کہانیوں کو شامل کر کے ان مسائل کو اجاگر کیا۔دستاویزی فلم کی نمائش16جون کو آکسفورڈ یونیورسٹی میں پیش کی گئی جبکہ23جون کو وینس، اٹلی اور دنیا بھر کے دیگر مقامات پر پیش کی جائے گی۔یہ فلم سی ایس جے کے مختلف تحقیقی اور وکالت کے کیسز پر مبنی ہے جو پاکستان میں انسانی حقوق، جمہوریت کی ترقی اور سماجی انصاف پر مرکوز ہے، دستاویزی فلم ہم سایہ میں لڑکیوں کے اغواء، جبری شادی، تبدیلی مذہب جیسی کہانیوں کو شامل کیا گیا۔

موضوعات:ہم سایہ