راجووال ( این این آئی) ڈاکوئوں نے اشارے پر نہ رکنے والے شہری کوقتل کردیا۔تفصیلات کے مطابق گائوں فتوآنہ کے قریب گزشتہ رات ڈاکو ناکہ لگائے کھڑے تھے کہ اسی دوران بد قسمت شہری سجاد اپنی موٹر سائیکل پر وہاں سے گزرا جسے دیکھ کر ڈاکوئوں نے روکنے کا اشارہ کیا مگر اس نے موٹر سائیکل بھگا دی
جس پر طیش میں آکر ڈاکوئوں نے اس پر فائرنگ کر دی جسکے نتیجے میں سجاد گولیاں لگنے سے جاں بحق ہو گیا جبکہ ڈاکو فرار ہونے میں کامیاب ہو گئے ۔این این آئی کے مطابق واقعہ کی اطلاع ملنے پر ڈی پی او اوکاڑہ منصور امان موقع پر پہنچ گئے اور ورثاء کو ملزمان کی جلد گرفتاری اور سخت کارروائی کی یقین دہانی کرواتے ہوئے ملزمان کی تلاش کیلئے سرچ ٹیمیں تشکیل دیدیں۔
