کراچی (این این آئی)سندھ ہائی کورٹ نے گھر بند ہونے کے باوجود ہزاروں روپے کا بجلی کا بل بھیجنے پر کے الیکٹرک کو نوٹس جاری کرتے ہوئے 5جولائی کو جوا ب طلب کرلیاہ ے ۔سندھ ہائیکورٹ میں گھر بند ہونے کے باوجود ہزاروں کو بل بھیجنے سے متعلق شہری جاوید کی کے الیکٹرک کیخلاف درخواست پر سماعت ہوئی۔

درخواستگزار کے وکیل نے موقف دیا کہ کے الیکٹرک نے 15 اپریل کو میرے گھر کی بجلی کاٹ دی۔ لیکن 16 مئی کو 76 ہزار 920 کا بل بھیج دیا گیا۔ اس سے قبل بھی مجھے ہزاروں کا بل بھیجا گیا۔ میرے گھر میں سولر لگا ہوا ہے اور میرا گھر بھی بند ہے۔ میں پوری فیملی کے ساتھ دبئی میں رہائش پذیر ہوں۔ اس قبل کے الیکٹرک نے کنڈا کا جواز بنا کر ہزاروں کو بل بھیجا تھا۔ عدالت نے کے الیکٹرک کو نوٹس جاری کرتے ہوئے 5 جولائی کو جواب طلب کرلیا۔

موضوعات:بجلی کا بل