اسلام آباد (این این آئی)گرفتار افغانیوں کے پاس جعلی شناختی دستاویزات ہونے کا انکشاف ہوا ۔ ذرائع کے مطابق ہزاروں افغانی بلاک اور ایکسپائر شناختی دستاویزات پر رہائش پذیر ہیں، افغانیوں کو جعلی شناختی کارڈ ، پاسپورٹ جاری کرنے پر ایف آئی اے نے تحقیقات شروع کر دی،ایف آئی اے نے نادرا سے تمام افغان نیشنلز اور شناختی کارڈ کا ڈیٹا بھی مانگ لیا ،بلاک کارڈز اور بغیر اجازت پاکستان رہنے والے افغانیوں کو ملک بدر کیا جائے گا ،غیر رجسٹرڈ افغانیوں کی بڑی تعداد پاکستان میں جرائم میں بھی ملوث ہیں،نو مئی کے واقعات میں بھی افغانیوں کی شمولیت کے شواہد ملے ہیں ،ایف آئی اے نے افغانیوں کی شناخت کے لیے دیگر ایجنسیوں سے بھی مدد مانگ لی۔