اسلام آباد (این این آئی)چیف جسٹس پاکستان عمرعطاء بندیال نے سپریم کورٹ ملازمین کا اسپیشل جوڈیشل الاؤنس بحال کردیا۔میڈیا رپورٹ کے مطابق چیف جسٹس نے سپریم کورٹ ملازمین کا اسپیشل جوڈیشل الاؤنس بحال کر دیا ہے۔
ڈپٹی رجسٹرار ایڈمن نے چیف جسٹس پاکستان کی منظوری کے بعد نوٹیفکیشن جاری کردیا۔سپریم کورٹ ملازمین 2022 کی 3 بنیادی تنخواہوں کے مساوی جوڈیشل الاؤنس کے حقدار ہوں گے۔ گریڈ 1 تا 22 کے تمام ملازمین اسپیشل جوڈیشل الاؤنس کے حقدار ہوں گے۔سپریم کورٹ ملازمین کو اسپیشل جوڈیشل الاؤنس موجودہ بجٹ 2022 سے ہی جاری کیا جائے گا۔
