کوئنز لینڈ(این این آئی )اگرچہ مکڑیاں چھوٹے حشرات کو رغبت سے کھاتی ہیں لیکن ایک مکڑی کو جال میں پھنسی چمکادڑ کے گوشے کھانے کی تصاویر جاری ہوئی ہیں۔
ان تصاویر کو دیکھ کر جھرجھری طاری ہوجاتی ہے۔میڈیارپورٹس کے مطابق یہ واقعہ کوئنزلینڈ کے دوردراز گاں میں پیش آیا ہے جہاں گولڈن اورب اسپائیڈر کے جالے میں چمکادڑ کا ایک چھوٹا بچہ پھنس گیا تھا۔ مکڑی نہ صرف اس کے قریب آئی بلکہ وہ اسے کھانے بھی لگی۔چمکادڑوں کے ماہر کا خیال ہے کہ اپنی سونار خاصیت کی بنا پر عموما چمکادڑیں جالے میں نہیں پھنستی تاہم یہ چھوٹا بچہ غلطی سے الجھ کر بے بس ہوگیا۔میگن رائٹ نامی خاتون کہتی ہیں کہ یہ جالا ان کے گھر کے باہر بنا گیا تھا۔ جب انہوں نے غور سے دیکھا تو معلوم ہوا کہ چمکادڑ کا بچہ جال میں پھنسا ہے اور مکڑی اس کے حصے کھارہی ہے۔ اسپائیڈر اورب مکڑیاں خود بھی بہت بڑی ہوتی ہیں اور پرکشش بڑے جال بنتی ہیں۔ماہرین کا خیال ہے کہ اس قسم کی مکڑی بڑے جانوروں کے دھڑ کے اندرونی کچھ حصے کھاتی ہیں اور ہاتھ پیروں میں کوئی دلچسپی نہیں رکھتیں۔
